Mengumandangkan Takbir Selain Hari Raya

PERTANYAAN:

Assalamu'alaykum wr.Wb. Tumaros,kumaha hukumna ngumandangkeun TAKBIRAN dina poe-poe biasa?Margi aya acara caket rorompok murangkalih diniyah lomba ngumandangkeun Takbir padahal tos seep hari tasyreq?Haturnuhun.Wassalamu’alaikum wr wb.

 JAWABAN: >>

Wa`alaikum salam.Di luar poe ied hukumna makruh tapi karena masih murangkalih nya keun bae....Numutkeun simkuring langkung sae ngumandangkeun takbir tibatan nyanyi lagu nu teu puguh.

Takbir Idul Adha dimimitian ti waktu subuh poe Arofah sapoe samemeh hari raya sareng berakhir saatos surup panon poe dina poe ka tilu tina poe-poe Tasyriq. Di handap ieu katerangannana :

وَيُكَبِّرُ مِنْ غُرُوْبِ الشَّمْسِ لَيْلَةَ العِيْدِ إِلىَ أَنْ يَدْخُلَ الإِمَامُ فيِ الصَّلاَةِ وَفيِ الأَضْحَى خَلْفَ الصَّلَوَاتِ الفَرَائِضِ مِنْ صُبْحِ يَوْمِ عَرَفَةَ إِلىَ العَصْرِ مِنْ آخِرِ أَياَّمِ التَّشْرِيْقِ (كفاية الأخيار جزء 1 ص 150)

Hartina :

Sakuduna jalmi maca takbir ti mimiti surup panon poe dina malem Idul-Fitri dugi ka isuk-isuk, tepatna nyaeta nepi ka Imam Idul-Fitri ngalakukeun sholatna.Sareng takbir Idul-Adha (salian dina malemna) eta tiap saatos sholat fardu ti mimiti tos subuh poe ‘Arofah (nyaeta sapoe samemeh lebaran tepatna tanggal 9 Dzulhijjah) dugi ka tos Asar akhir poe Tasyriq. (poe Tasyriq nyaeta tanggal 11, 12 sareng 13 Dzulhijjah) (Tina Syamilah – Kitab Kifayatul-Akhyar - Juz 1 hal. 150)

Di handap ieu lanjutan katerangannana :

يُسْتَحَبُ التَّكْبِيْرُ بِغُرُوْبِ الشَّمْسِ لَيْلَتَيْ العِيْدِ الفِطْرِ وَالأَضْحَى وَلاَ فَرْقَ فيِ ذَلِكَ بَيْنَ المَساَجِدَ وَالبُيُوْتِ وَالأَسْوَاقِ وَلاَ بَيْنَ اللَّيْلِ وَالنَّهَارِ وَعِنْدَ ازْدِحاَمِ الناَّسِ لِيُوَافِقُوْهُ عَلَى ذَلِكَ وَلاَ فَرْقَ بَيْنَ الحاَضِرِ وَالمُساَفِرِ (كفاية الأخيار جزء 1 ص150- 151)

Hartina :

Disunnahkeun takbir ku sabab surup panon poe dina malem Idul-Fitri sareng malem Idul Adha, teu aya bedana dina hal sunnah takbir, hartina tetep disunnahkeun boh di masjid-masjid, di bumi atawa di pasar-pasar, oge teu beda antara malem atawa siang sareng nalika jalmi karumpul atawaa henteu, supaya sadayana nyamikeun sareng ngahirupkeun gema takbir, sareng oge teu beda antara aya di rumah atawa dina perjalanan. (Tina Syamilah -Kifayatul-Akhyar - Juz 1 hal. 150-151)

Di handap ieu oge lanjutan katerangannana :

دَلِيْلُهُ فيِ عِيْدِ الفِطْرِ قَوْلُهُ تَعاَلىَ وَلِتُكَبِّرُوْا اللهَ عَلَى ماَ هَدَاكُمْ وَفيِ عِيْدِ الأَضْحَى بِالقِياَسِ عَلَيْهِ وَيُغْنِي عَنْهُ (كفاية الأخيار جزء 1 ص 151)

Hartina :

Dalil ngeunaan disunnahkeun takbir Idul-Fitri eta dawuhan Allah Swt dina QS. Al-Baqoroh 185, sedengkeun dalil takbir Idul-Adha eta Qiyas (diukurkeun/disamikeun) sareng Idul-Fitri sareng nu saperti kitu tos cukup jadi alesannana. (Tina Syamilah – Kitab Kifayatul-Akhyar - Juz 1 hal. 151)

Sumber: Ust. Asep Muhammad Ali Nurdin, S.Pd.I