Khotib Memegang Tongkat Ketika Khutbah Jum'at

Imam Shon’ani nyaurkeun;

وَفِى الْحَدِيْثِ دَلِيْلٌ عَلَى اَنَّهُ يُنْدَبُ لِلْخَطِيْبِ اْلاِعْتِمَادُ عَلَى سَيْفٍ اَوْنَحْوِهِ وَقْتَ خُطْبَتِهِ (سبل السلام,ج2 ص59)

Hadits ngajelaskeun ngeunaan kasunnahan khotib nyepeng pedang atawa saperti (tongkat) dina waktu ngadugikeun khutbahna. (Subul al-Salam, Juz II, hal. 59)

 عَنْ شُعَيْبِ بْنِ زُرَيْقٍ الطَائِفِيِّ قَالَ شَهِدْناَ فِيْهَا الجُمْعَةَ مَعَ رَسُوْلِ اللهِ صَلَّى اللهُ عَلَيْهِ وَسَلَّمَ فَقَامَ مُتَوَكِّئًا عَلَى عَصَا أَوْقَوْسٍ

Katampi ti Syu'aib bin Zuraidj at-Tho'ifi anjeuna nyaurkeun ''Kami nghadiran sholat Jum'at dina hiji tempat sarta Rosulullah SAW. Maka  Anjeuna teras ngadeg nyepeng kana hiji tongkat atawa busur panah". (Sunan Abi Dawud hal. 824).

As Shon’ani ngomentar hadits di luhur yen hadits eta ngajelaskeun ngeunaan “sunnahna khotib nyepeng pedang atawa sabangsana dina waktu nganepikeun khutbahna”. (Subululus Salam, juz II, hal 59) 

فَإِذَا فَرَغَ المُؤَذِّّنُ قَامَ مُقْبِلاً عَلَى النَّاسِ بِوَجْهِهِ لاَ يَلْتَفِتُ يَمِيْنًا وَلاَشِمَالاً وَيُشْغِلُ يَدَيْهِ بِقَائِمِ السَّيْفِ أَوْ العُنْزَةِ وَالمِنْبَرِ كَيْ لاَ يَعْبَثَ بِهِمَا أَوْ يَضَعَ إِحْدَاهُمَا عَلَى الآخَرِ

Lamun muadzin tos rengse (adzan), maka khotib ngadeg mayun ka jama' ah ku rarayna. Teu meunang ngalieuk ka katuhu atawa ka kenca. Sareng dua panangannana nyepeng pedang nu ditangtungkeun atawa tongkat pondok sarta (panangan nu hiji na deui nyepeng) mimbar. Supaya manehna teu ngusak-ngusikkeun dua panangannana. (Lamun teu kitu) atawa manehna ngahihjikeun panangan nu hiji jeung nu sejen". (Ihya' 'Ulumud -Din, juz I, hal 180).

Jumhur ulama’ nyaurkeun yen sunnah hukumna pikeun khotib pikeun nyepeng tongkat dina nalika maca khutbah. Hal eta dijelaskeun ku Imam Syafi’i dina kitab al-Umm juz I. Hal.272.

 قَالَ الشَّافِعِيُّ رَحِمَكُمُ اللهُ وَبَلَغْنَا اَنَّ رَسُوْلَ اللهِ صَلَّى اللهُ عَلَيْهِ وَسَلَّمَ كَانَ اِذَا خَطَبَ اِعْتَمَدَ عَلَى عَصًا وَقَدْ قِيْلَ خَطَبَ مُتَعَمِّدًا عَلَى عَنَـزَةٍ وَعَلَى قَوْسٍ وَكُلُّ ذَلِكَ اِعْتِمَادٌ اَخْبَرْنَا الرَّبِيْعُ قَالَ اَخْبَرْنَا الشَّافِعِيُّ قَالَ اَخْبَرْنَا اِبْرَاهِيْمُ عَنْ لَيْثٍ عَنْ عَطَاءٍ اَنَّ رَسُوْلَ اللهِ صَلَّى اللهُ عَلَيْهِ وَسَلَّمَ كِانِ اَذَا خَطَبَ يَعْتَمِدُ عَلَى عَنَـزَتِهِ اِعْتِمَادًا (الأم ج1 ص 272)

(Imam Syafi’i Ra nyaurkeun) mudah-mudahan Allah Swt. masihkeun rohmat ka anjeuna, sareng tos nepi ka kami (khobar) yen nalika Rosulullah Saw. khutbah, anjeuna nyepeng kana tongkat. Aya nu nyaurkeun, anjeuna khutbah kalawan nyepeng tongkat pondok sareng anak panah. Sadaya barang-barang eta dijadikeun tempat naleukeum (nyepengan). Al-Robi’ ngabarkeun ti imam Syafi’i ti Ibrohim, ti Laits ti ‘Atho’, yen Rosulullah Saw. upami khutbah anjeuna nyepeng tongkat pondokna pikeun dijadikeun tumpuan.

(Kitab Al-Umm, juz I, hal.272)

Hikmah dianjurkeunnana nyepeng tongkat eta pikeun ngabeungkeut hate (supaya leuwih konsentrasi) sareng supaya teu ngusak-ngusikkeun panangannana. Kitu nu kaunggel dina Kitab Subulus Salam, juz II, hal 59.

Wallohu a’lam.

Sumber: Ust. Aep Muhammad Ali Nurdin, S.Pd.I